Lənkəran sakini dənizdə boğulub

Lənkəranda dənizdə boğulma hadisəsi baş verib.

Ölkə.Az Report-a istinadən xəbər verir ki, hadisə Lənkəranın Vel kəndində, tikintisi yarımçıq qalmış dəniz limanı ərazisində saat 17:20 radələrində baş verib.

Belə ki, Lənkəranın Moloja kəndinin təxminən 34-35 yaşlı sakini içkili vəziyyətdə çimərlikdə çimərkən boğulub. Onun meyitini çimərlikdə olan tanışları sudan çıxarıb.

Hadisə yerinə təcili yardım çağırılıb.