Tovuzda zibillik yandı
Tovuzun İbrahimhacılı kəndində baş verən hadisə zamanı 1 hektardan çox ərazi külə dönüb.
Külək nəticəsində güclənən alovu kənd sakinləri söndürməyə çalışsalar da bu mümkün olmayıb.
Əraziyə yanğınsöndürənlər çağrılıb. Hündürlükdə yanan hissəyə yanğın avtomobillərinin qalxması mümkünsüz olduğundan canlı qüvvə alovu söndürməyə cəhd göstərib. Çətinliklə də olsa məişət tullantılarının alovlanmasından yaranan yanğını söndürmək mümkün olub.
Hadisə baş verən əraziyə yaxın olan üzüm bağı və geniş meşəlik yanğından mühafizə olunub. (Region TV)
