Salyanda qəza

Salyan rayonunda 2 nəfərin xəsarət alması ilə nəticələnən yol-nəqliyyat hadisəsi baş verib.

Ölkə.Az-ın APA-ya istinadən məlumatına görə, Ələt-Astara yolunun 56-cı kilometrliyində Salyan sakini, 36 yaşlı Nəzirov Yasər Yaşar oğlunun idarə etdiyi “VAZ 2115” markalı, 90 BR 415 dövlət nömrə nişanlı avtomobil Şürat Mənsimovun idarə etdiyi “KamAZ” markalı yük maşını ilə toqquşub.

Nəticədə Y. Nəzirov və sərnişini Rəsul Nəcəfov ağır bədən xəsarətləri alıblar. Onlar Salyan Mərkəzi Rayon Xəstəxanasına yerləşdirilib.

Faktla bağlı araşdırma aparılır.