Bakıda DƏHŞƏT

Həyat yoldaşı ilə mübahisə edən kişi ağır cinayət törədib.

Ölkə.Az xezerxeber.com-a istinadən bildirir ki, o, qeyri-rəsmi nikahda yaşadığı qadını amansızlıqla öldürüb. Ağır cinayət paytaxtın Xəzər rayonu Mərdəkan qəsəbəsində baş verib. Qəsəbə sakini 37 yaşlı Altay Həsənov həyat yoldaşı 34 yaşlı Yasəmən Novruzova ilə mübahisə edib.

Hadisədən iki gün sonra isə Altay Həsənov Xəzər rayon 1-ci polis bölməsinə gedərək həyat yoldaşının itkin düşdüyünü deyib. Aparılan əməliyyat-axtarış tədbirləri nəticəsində Altay Həsənovun Yasəmən Novruzovanı qətlə yetirərək yaşadığı evin həyətində basdırdığı məlum olub.

Qonşular onu da qeyd etdilər ki, hadisəni törədən Altay Həsənovun indiyə qədər bir neçə dəfə qeyri-rəsmi ailə həyatı qurub. Hər dəfə də qadınları döydüyü üçün onlar 2-3 ay sonra Altaydan imtina ediblər.

Meyit ekspertlərin iştirakı ilə basdırıldığı yerdən çıxarılıb. Altay Həsənov isə saxlanılaraq istintaqa təhvil verilib. İlkin dindirmə zamanı Altay Həsənov həyat yoldaşını əmisi oğlu ilə mobil telefonla danışdıqdan sonra döydüyünü deyib.

Xəzər rayon prokurorluğundan verilən məlumata görə qətlə yetrilən 34 yaşlı Yasəmən Novruzova 4 aylıq hamilə imiş.