Naxçıvan sakinindən Ali Məhkəmənin qarşısında qeyri-adi etiraz aksiyası

63 yaşlı Naxçıvan sakini Əmirov Yusif Abbas oğlu Ali Məhkəmənin qarşısında eitraz aksiyası keçirib.

Ölkə.Az-ın hadisə yerində olan əməkdaşının məlumatına görə, Əmirov haqsız yerə 10 il azadlıqdan məhrum edilməsinə etiraz edir. O, bildirir ki, Şərur rayonunun polis rəisi olmuş Salman Vəliyev tərəfindən şərlənərək qanunsuz həbs edilib.

Hazırda azadlıqda olan Y.Əmirov ona bəraət verilməsini tələb edir. Aclıq aksiyasına başlayan şikayətçi, tələbi yerinə yetirilməyənə qədər aclıq aksiyasına davam edəcəyini bildirib. Qeyd edək ki, hadisə yerinə gələn polislər aksiyaçını polis bölməsinə aparıblar.

Fotolar: Nurlan Gülməmmədov