Ərəb turistləri Bakıya gətirən avtobus dərəyə aşdı: 2 ölü, 16 yaralı
Ölən və yaralananlar var.
Ölkə.Az xəbər verir ki, bu gecə saat 11 radələrində İsmayıllı-Muğanlı yolunda, Ağsu çayının yaxınlığında avtoqəza baş verib. İçərisində turistlərin olduğu bildirilən 90VX672 dövlət nömrə nişanlı "Hyundai" markalı mikroavtobus dərəyə aşıb. Nəticədə mikroavtobusda olan sərnişinlərdən 2 nəfər ölüb, 16 nəfər müxtəlif bədən xəsarəti alıb.
Mikroavtobusda olanların hamısı ərəb turistlər olub.
Hadisə yerinə təcili-tibii yardım maşınları cəlb edilib. Xəsarət alanlar xəstəxanalara yerləşdirilib.
Region TV-nin əməkdaşının hadisə yerindən hazırladığı videomaterialı təqdim edirik.