Sevgilisinin öpüşü ilə öldü

Meksikada yaşayan 17 yaşlı Xulio Macias Qnzales sevgilisinin öpüşünə görə həyatını itirib.

İnanılmazdır, amma bu belədir. Həkimlər onun ölümünə məhz öpüşün səbəb olduğunu təsdiq ediblər.

Ölkə.Az xəbər verir ki, ailəsi ilə yemək yeyərkən Xulio gözlənilmədən iflic olub. Təcili şəkildə xəstəxanaya çatdırılsa da oğlanın həyatını qurtarmaq mümkün olmayıb. Gənc və sağlam orqanizmin nə üçün anidən ölməsini araşdıran həkimlərin diqqətini oğlanın boynundakı öpüş izləri çəkib.

Həkimlər belə qənaətə gəliblər ki, öpüşmə əsnasında hormonların yüksəlməsi qan damarlarındakı laxtalanmış qanın beyinə ötürülməsinə və beyinin funksiyasının pozulmasına səbəb olub.

Xulionun 24 yaşlı sevgilisi bu xəbərdən sonra yoxa çıxıb.

Gəncin ailəsi oğullarının ölümündə qızı günahkar bilir.

Cinayət ittihamı isə çox maraqlıdır - öpərək öldürüb.
 

İlhamə
Ölkə.Az