11 yaşlı məktəbli 9 yaşlı oğlanı maşınla vurdu
Tuva Respublikasında 11 yaşlı məktəbli atasının maşını ilə 9 yaşlı oğlanı vurub.
Hadisə sentyabrın 3-də Barun-Hemçiksk rayonunda baş verib. Bu barədə Daxili İşlər Nazirliyinin mətbuat xidməti məlumat yayıb.
“Barlık kəndinin 11 yaşlı sakini “Toyota Caldina” markalı avtomobillə 9 yaşlı uşağı evlərinin qarısında vurub. Hazırda uşaq cərrahiyə şöbəsinə yerləşdirilib”, - deyə məlumatda vurğulanıb.
Qeyd olunur ki, kiçik cinayətkarın atasına qarşı sürücülük yaş həddinə çatmayan uşağa maşını verdiyi üçün, anasına qarşı isə valideyn məsuliyyətinə tam riayət etmədiyi üçün inzibati xəta haqqında protokol tərtib olunub. (qafqazinfo)
