Gəncədə 22 yaşlı gənc bıçaqlandı
Gəncə şəhərində bıçaqlanma hadisəsi baş verib.
Ölkə.Az xəbər verir ki, Gəncə Şəhər Baş Polis İdarəsindən “Report”un Qərb bürosuna verilən məlumata görə, 1994-cü il təvəllüdlü yerli sakin Sahib Quliyev mübahisə zəminində bıçaqlanıb və yaralı halda xəstəxanaya yerləşdirilib.
Xəstəxanadan yaralının vəziyyətinin orta-ağır olduğu bildirilib.
Faktla bağlı araşdırmalara başlanılıb və onun kim tərəfindən bıçaqlanması, eləcə də, baş vermiş mübahisənin səbəbi aparılan araşdırmalardan sonra məlum olacaq.
