2 maşın toqquşdu
Şəmkirdə iki nəfərin xəsarət alması ilə nəticələnən yol-nəqliyyat qəzası baş verib.
Ölkə.Az-ın APA-ya istinadən məlumatına görə, hadisə rayonun Kür qəsəbəsinə gedən yolda qeydə alınıb.
“Opel” və “VAZ 21011” markalı avtomobillərin toqquşması nəticəsində iki nəfər, Şəmkir rayon Sarıtəpə kənd sakinləri, 1966-cı il təvəllüdlü Qalib Quliyev və 1972-ci il təvəllüdlü Nurəddin Rzaquliyev müxtəlif bədən xəsarətləri alaraq Şəmkir Mərkəzi rayon xəstəxanasına yerləşdirilib. Onların vəziyyətlərinin orta ağır olduğu bildirilir.
Faktla bağlı Şəmkir rayon Polis şöbəsində araşdırma aparılır.