Azərbaycanda neft quyusu meydançasında partlayış
Azərbaycanda neft quyusu meydançasında baş verən partlayış nəticəsində 10-dan artıq insan suya düşüb.
Fövqəladə Hallar Nazirliyinin mətbuat xidmətindən verilən məlumata görə, hazırda xilasedicilər dənizə düşənlərin böyük əksəriyyətini xilas edib. Axtarişlara FHN-nin gəmisi cəlb olunub.
Hadisə şahidlərinin verdiyi məlumata görə, axtarışlara FHN-nin bir helikopteri də cəlb olunub.
Qeyd edək ki, “Azneft” İstehsalat Birliyinin (İB) strukturuna daxil olan Nərimanov adına Neft və Qazçıxarma İdarəsinin (NQÇİ) 441 saylı meydançasında partlayış olub. Yanğını ARDNŞ-ın şirkəti söndürüb.
Ölən və yaralananlarla bağlı hələ ki məlumat yoxdur.
Ölkə.Az
