"Öləcəm" dedi, toy günü həyatını itirdi
Bakıda şadlıq evində bədbəxt olay baş verib.
Ölkə.Az bizimyol.info-ya istinadən xəbər verir ki, hadisə Bakıda yerləşən şadlıq evlərindən birində, toy mərasimi keçirilən zaman yaşanıb.
Məclisin sonlarına yaxın qonaqlardan biri qəfldən ürək çatışmazlığından həyatını itirib. Bu barədə hadisə şahidləri məlumat verib. Hadisədən bir qədər sonra məclis davam edib.
Maraqlısı ondadır ki, dünyasını dəyişən şəxs öləcəyini toya gəlməmişdən əvvəl yaxınlarına söyləyib. Ona məclisə qatılmamağı məsləhət görüblər, lakin buna məhəl qoymayıb.
Qeyd edək ki, həmin şəxs sərbəst güləş üzrə mütəxəssis olub. Yaxınları onun adının çəkilməsini istəmədiyindən qeyd etməyi məqbul bilmədik.