“Mercedes” qum topasına girdi
Lənkəranda iki nəfərin yaralanması ilə nəticələnən ağır yol-nəqliyyat hadisəsi baş verib.
Ölkə.Az APA-ya istinadən xəbər verir ki, hadisə bu gün axşam saatlarında rayonun Boladi kəndi ərazisində istifadəyə verilməmiş yeni tikilən “İpək yolunda” baş verib. Bakı şəhər sakini 1982-ci il təvəllüdlü Zaur Seyfulla oğlu Fərziyevin idarə etdiyi “Mercedes” markalı minik avtomobili hərəkətdə olarkən yolun ortasına tökülmüş qum topasına girib. Nəticədə avtomobilə ciddi ziyan dəyib, həmçinin sürücünün qohumları olan sərnişinləri - Bakı sakinləri 1932-ci il təvəllüdlü Humayə Əlibala qızı Fərziyeva və onun oğlu 1950-ci il təvəllüdlü Xeyrulla Eynulla oğlu Fərziyev müxtəlif dərəcəli bədən xəsarətləri ilə Lənkəran Mərkəzi Rayon Xəstəxanasına yerləşdiriliblər.
Xəsarət alanlara zəruri tibbi yardım göstərilib. Onlardan Humayə Fərziyevanın vəziyyətinin ağır olduğu bildirilir.
Faktla bağlı Lənkəran Şəhər-Rayon Şöbəsində araşdırmalara başlanılıb.
