“Lotos”da 50 min manatlıq oğurluq hadisəsi

Nizami rayonunda yerləşən "Lotos" Ticarət Mərkəzinin mağazalarının birində dələduzluq qeydə alınıb.

Ölkə.Az Report-a istinadən xəbər verir ki, orada işləyən Eldar Məmmədov bununla bağlı hüquq-mühafizə orqanlarına şikayət edib.

İ.Məmmədov ərizəsində bildirib ki, Qara Qarayev prospekti, 86-da yerləşən "Lotos" Ticarət Mərkəzində şərikli qızıl alveri ilə məşğul olub.

O qeyd edib ki, bu ilin avqustun 13-də şəriki, 1975-ci il təvəllüdlü Aygün Aslanova mağazadakı seyfdən 39 min manat dəyərində 47 ədəd brilliant və 11 min manat dəyərində qızıl-zinət əşyaları götürüb və mənimsəyib.

Faktla bağlı araşdırma aparılır.