Lotu Qulidən Rövşən Lənkəranskinin 500 minlik killerinə cavab: “Kim nə axtarırsa…”

Mətbuatda məşhur azərbaycanlı “qanuni oğru”, bu yaxınlarda qətlə yetirilən Rövşən Lənkəranski ləqəbli Rövşən Canıyevin barışmaz düşməni olan “Lotu Quli”ni (Nadir Səlifov) həbsxanada öldürmək üçün killer tutduğu barədə məlumatlar yayılıb.

Məlumatda bildirilir ki, Rövşən Lənkəranski Lotu Qulini öldürmək üçün 500 min dollar müqabilində killer tutub. Amma müəyyən səbəblərdən qəsd planı baş tutmayıb. Söhbət 2009-cu ildən gedir. Hətta plan barədə bəzi səsyazma və görüntülərin olduğu da üzə çıxıb.

Ölkə.Az xəbər verir ki, Nadir Səlifov vəkili Təranə Əliyeva vasitəsilə məsələ ilə bağlı qısa münasibətini Cebhe.info-ya bildirib.  Bu gün vəkil Lotu Quli ilə saxlandığə cəzaçəkmə müəssisəsində görüşüb və Cebhe.info-nun sualını ona çatdırıb: “Bu gün Nadir Səlifovla görüşdüm, onunla danışdım. Məsələni ona çatdırdım. Sadəcə bir söz dedi: “Kim nə axtarır, onu da tapır”. Başqa heç nə söyləmədi”.