Maşın yol kənarında hərəkət edən 2 piyadanı vurub

Şəkidə idarəetməni itirən maşın 2 piyadanı vurub.

Ölkə.Az ARB Şəki-yə istinadən xəbər verir ki, Şəhərin Sabit Rəhman küçəsində "VAZ 2106" markalı avtomobil idarəetməni itirərək yol kənarında hərəkət edən Şəki şəhər sakinləri 1970-ci il təvəllüdlü Məhərrəmova Nəzakət Məhərrəm qızı və 1998-ci il təvəllüdlü Məhərrəmova Günay Telman  qızını vurub.

Hər iki zərərçəkən dərhal Şəki Rayon Mərkəzi Xəstəxanasına çatdırılıb. Xəstəxanadan verilən məlumata görə, xəstələrin vəziyyəti normaldır.

Faktla bağlı araşdırma aparılır.