Bakıda 80 yaşlı qadını maşın vurdu
Bakının Nəsimi rayonunda xəsarətlə nəticələnən yol-nəqliyyat hadisəsi baş verib.
Ölkə.Az-ın “musavat.com”-a istinadən məlumatına görə, “Şamaxinka” kimi tanınan ərazidə “Mercedes” markalı avtomobil arxaya hərəkət edərkən dayanacaqda avtobus gözləyən təxminən 80 yaşlı qadını vurub. Qadın ağır xəsarət alıb. O, 1 saylı şəhər kliniki xəstəxanasına gətirilib. Piyadanın şəxsiyyəti hələlik məlum deyil.
Faktla bağlı hüquq-mühafizə orqanları tərəfindən araşdırma aparılır.
