Nazir Hüseyn Bağırovun işçisi güllələndi
Bu gün səhər saatlarında Ekologiya və Təbii Sərvətlər Nazirliyinin 7 saylı İmişli ərazi ekologiya şöbəsinin Saatlı rayonu üzrə müfəttişi, 62 yaşlı Ağakərim Səlimov güllə yaraları ilə Şirvan şəhər xəstəxanasına gətirilib.
Xəstəxanadan virtualaz.org-a verilən məlumata görə, xəstə qarın boşluğu və yan nahiyəsindən güllə yaraları aldığından əməliyyat olunub və hazırda həyatı üçün heç bir təhlükə yoxdur.
ETSN-dan da baş vermiş hadisəni təsdiqləyərək bildiriblər ki, müfəttiş Ağakərim Səlimov qanunsuz ov edənlərə qarşı aparılan tərdbirlər zamanı güllə yarası alıb.
Hadisə ilə bağlı araşdırmalara başlanılıb.
***
Ekologiya və Təbii Sərvətlər Nazirliyinin əməkdaşının güllə yarası alması faktı təsdiqlənib.
Ekologiya və Təbii Sərvətlər Nazirliyindən APA-ya verilən məlumata görə, hadisə qanunsuz ov hallarına qarşı aparılan mübarizə tədbirləri çərçivəsində baş verib.
Nazirliyin əməkdaşı yaralanıb. Faktla bağlı araşdırma aparılır.
Ekologiya və Təbii Sərvətlər Nazirliyindən APA-ya verilən məlumata görə, hadisə qanunsuz ov hallarına qarşı aparılan mübarizə tədbirləri çərçivəsində baş verib.
Nazirliyin əməkdaşı yaralanıb. Faktla bağlı araşdırma aparılır.
***
Bu gün Saatlı rayon sakini, 1954-cü il təvəllüdlü Ağakərim Səlimov güllə yarası ilə Şirvan şəhər xəstəxanasına gətirilib.
Ölkə.Az-ın APA-ya istinadən məlumatına görə, A. Səlimovun üzərində cərrahi əməliyyat aparılır.
Qeyd edək ki, Ağakərim Səlimov Ekologiya və Təbii Sərvətlər Nazirliyinin əməkdaşıdır.
