“Azərişıq”ın sürücüsü qırmızı işığı saymır
Bakıda “Azərişıq” Qapalı Səhmdar Cəmiyyətinə məxsus avtomobil yol hərəkəti qaydalarını kobud şəkildə pozub. Hadisə sentyabrın 23-də, saat 18:36 radələrində baş verib.
Ölkə.Az Avtosfer.az saytına istinadən xəbər verir ki, heç bir üstünlük hüququna malik olmayan “Qəza xidməti” avtomobili işıqforun qırmızı işığından keçib. “Volkswagen” markalı, 99 AB 155 dövlət nömrə nişanlı avtomobilin sürücüsünün törətdiyi bu qayda pozuntusu digərinə nisbətən bir qədər yüngüldür.
Belə ki, qırmızıdan keçməzdən əvvəl həmin avtomobil qoşa xəttin tələbini pozaraq qarşı yola çıxıb və hərəkəti nəqliyyat axınına qarşı davam etdirib. Beləliklə də, bir dəqiqədə 100 manat 4 ballıq və 60 manat 3 ballıq qayda pozuntusu törədən sürücü həvəskarların kamerasına düşüb.
