İş adamının qətlində təqsirləndirilən dəstə üzvlərinin şikayəti üzrə məhkəmə başlayır

İş adamını qətlə yetirməkdə təqsirləndirilən 17 nəfərdən ibarət dəstə üzvləri barələrində olan hökmdən apellyasiya şikayəti veriblər.

Ölkə.Az APA-ya istinadən xəbər verir ki, onların apellyasiya şikayətləri üzrə məhkəmənin ilkin baxış iclası noyabrın 18-nə təyin edilib. Onlar şikayətlərində barələrində olan cəzanın azaldılmasını xahiş ediblər.

Qeyd edək ki, bir müddət əvvəl Bakı Ağır Cinayətlər Məhkəməsində həmin şəxslərə hökm oxunub. Hökmə əsasən, Nurəddin Xəlilovömürlük, Müşfiq Mikayılov 20 il, Rəşad Həşimli 20 il, Əhməd Kərimov20 il, Coşqun Kərimbəyli 20 il, Bahadur Məmmədov 20 il, Zaur Əliyev18 il, Pərviz Şıxalıyev 16 il, Rəşad Səfərəliyev 16 il, Xəlil Məmmədov15 il, Samir Məmmədov 16 il, Rufis Bəyimov 18 il, Ceyhun Abdullayev14 il, İlqar Musayev 13 il, 6 ay, Anar Rzayev 14 il, Niyaməddin Xəlilov16 il, Fəxri Şirinzadə isə 20 il müddətində azadlıqdan məhrum ediliblər.

İttihama görə, dəstə üzvləri 2014-cü ilin noyabrında Qəbələdə iş adamı Vahid Vahabovu tamah məqsədilə öldürüb, həyat yoldaşına müxtəlif dərəcəli xəsarətlər yetiriblər. 

Saxlanılan şəxslərin ətrafında həyata keçirilən əməliyyat tədbirləri və istintaq hərəkətləri nəticəsində dəstə üzvlərinin digər cinayətlərdə də iştirakları müəyyənləşib. Həmin şəxslər radikal dini cərəyanın üzvləridir.