Qubada iki uşaq atası öldürüldü
Quba rayonunun Barlı kənd sakini, 37 yaşlı Ramiz Məmmədov qohumu, 1961-ci il təvəllüdlü Yusif Babayev tərəfindən bıçaqlanıb.
Ölkə.Az ARB TV-yə istinadən xəbər verir ki, hadisə səhər saatlarında baş verib.
O, dərhal Xaçmaz Rayon Mərkəzi Xəstəxanasına aparılıb. Vəziyyəti ağır olan Ramiz Məmmədov əməliyyat otağına aparılarkən dünyasını dəyişib. Bıçaqlanaraq öldürülən Ramiz Məmmədov iki uşaq atasıdır.
Rayon polis şöbəsinin əməkdaşlarının keçirdiyi əməliyyat-axtarış tədbirləri nəticəsində Yusif Babayev saxlanılıb.
Faktla bağlı Quba Rayon prokurorluğunda araşdırmalara başlanılıb.
