Koroğlu metrostansiyasında intihara cəhd
Baş verən hadisə ilə bağlı “Bakı Metropoliteni” QSC-nin mətbuat xidmətinin rəhbəri Nəsimi Paşayev bu barədə Ölkə.Az-a açıqlamasında hadisənin təfərrüatlarını bildirib:
"Hadisə "Koroğlu" stansiyasında saat 09:15-də olub. İntihara cəhd edən şəxs özünü "Həzi Aslanov" stansiyası istiqamətinə gedən qatarın altına atıb.
Özünü qatarın altına atan şəxs Əhmədov Nəsir Əlihüseyn oğlu 1951-ci il təvəllüdlü Nardaran sakinidir. Hadisə qəfil baş verdiyindən maşinist qatarı tam saxlaya bilməyib. Özünü qatarın altına atan şəxs xoşbəxtlikdən ölməyib. Relslərin arasına düşdüyündən sağ qalıb, sağ topuğundan xəsarət alıb. Hadisəyə görə xətdə müvəqqəti gecikmə yaranıb. Qatar orada saxlanılıb, ona görə də, metroda gecikmə var. Polislər hadisənin təfərrüatını aydınlaşdırır".
***
Hadisə yeri mühasirəyə alınıb. Hal-hazırda yaralının xəstəxanaya aparıldığı bildirilir.
***
Bu saatlarda Bakı metropoliteninin "Koroğlu" stansiyasında intihar hadisəsi baş verib.
Ölkə.Az-ın hadisə yerindəki əməkdaşı xəbər verir ki, orta yaşlı bir kişi özünü qəflətən stansiyaya daxil olan qatarın altına atıb.
Kişinin qatarın altında qalaraq ağır yaralandığı bildirilir.
Hadisənin detalları haqda irəliləyən dəqiqələrdə oxucularımıza məlumat verəcəyik.
