Bakının mərkəzində 12 maşın toqquşdu

Qəza nəticəsində nəqliyyatın hərəkəti tamamilə dayanıb

Bakıda metronun “20 Yanvar” stansiyasının yaxınlığındakı tuneldə zəncirvari qəza baş verib.

Nəqliyyat Nazirliyinin Nəqliyyatı İntellektual İdarəetmə Mərkəzindən verilən məlumata görə, Moskva prospekti şəhər istiqamətində tunelin çıxışında baş vermiş zəncirvari yol nəqliyyat hadisəsi nəticəsində nəqliyyat vasitələrinin hərəkətində sıxlıq yaranıb.

Sürücülərə alternativ olaraq Moskva prospekti kənar yoldan istifadə etmələri tövsiyə olunur.

Hadisə şahidlərinin verdiyi məlumata görə, tuneldə 12 maşın toqquşub.

Qəza nəticəsində xəsarət alan olmasa da, avtomobillərə ziyan dəyib.

Faktla bağlı araşdırma aparılır./Oxu.az/

Ölkə.Az