Bakıda dələduza 8 il həbs verildi

Bu gün Bakı Ağır Cinayətlər Məhkəməsində dələduzluqda təqsirli bilinən Taleh Xəlilovun cinayət işi üzrə məhkəmə prosesi başa çatıb. 

Hakim İradə Həsənzadənin sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə Taleh Xəlilov 8 il müddətinə azadlıqdan məhrum edilib.

Qeyd edək ki, təqsirləndirilən şəxs Cinayət Məcəlləsinin 178-ci (dələduzluq) maddəsi ilə ittiham edilib. O, Bakı şəhərində bir neçə nəfəri aldadaraq onların pullarını mənimsəyib. (lent.az)

Ölkə.Az