Bakıda məktəbli oğlan özünü niyə öldürdü?
Dünən Bakının Zirə qəsəbəsində baş vermiş intihar hadisəsi ilə bağlı bəzi məqamlar üzə çıxıb.
Lent.az-ın əldə etdiyi məlumata görə, 16 yaşlı Firuz Məmmədovun özünü asması faktı ilə bağlı başlanmış cinayət işinədair araşdırmalar davam etdirilir.
Araşdırmalar zamanı məlum olub ki, F.Məmmədovun məktəbə davamiyyəti pis olub və vaxtaşırı dərslərdən qaçırmış.
Avara uşaqlara qoşulan Firuzi valideynləri və qohumları tez-tez tənbeh etsə də, o, islah olmurmuş.
Adətən hava qaraldıqdan xeyli sonra evə gələn, barəsində müxtəlif şəxslər tərəfindən şikayətlər edilən oğlana dünən növbəti dəfə xəbərdarlıq edilib.
Yaxın qohumları ilə eyni həyətdə yaşadığından valideynlərinə qohumları da qoşulub və onu həyətdə danlayıblar. Bundan sonra Firuz əsəbiləşib və kimsənin onu başa düşmədiyini deyib.
Saat 15 radələrində isə yaxınları onun özünü hamam otağında asdığını görüblər.
Faktla bağlı araşdırmalar davam etdirilir.
***
Bakıda intihar hadisəsi baş verib.
Ölkə.Az xəbər verir ki, Xəzər rayon Prokurorluğundan APA-ya verilən məlumata görə, hadisə rayonun Zirə qəsəbəsi, Müslüm Moqamayev küçəsi 93 ünvanında qeydə alınıb. Həmin ünvanda yaşayan 16 yaşlı Firuz Kamal oğlu Məmmədov evin hamamında özünü asıb. Onun özünə qəsd etməsinin səbəbləri hələlik məlum deyil.
Məlumata görə, F. Məmmədov orta məktəb şagirdidir. O, Zirə qəsəbəsində yerləşən 241 saylı orta məktəbin 11-ci sinfində oxuyurmuş.
Faktla bağlı cinayət işi başlanıb, istintaq gedir.
