Bakıda sərnişin avtobusunun iştirakı ilə baş verən qəza barədə
Bakı Nəqliyyat Agentliyinin İctimai əlaqələr və maarifləndirmə şöbəsinin məsul şəxsi Mais Ağayev Ölkə.Az-a bildirib ki, qəza zamanı avtobus sürücüsünün heç bir günahı olmayıb. Onun sözlərinə görə, minik maşınları avtobusa çırpılıb.
“Xəbəri eşidən kimi araşdırma apardıq. Araşdırmalar zamanı məlum oldu ki, hadisə sərnişin avtobusu dayanacaqda olarkən baş verib. Mikin maşını dayanacaqdan duran avtobusa çırpılıb”, - deyə Mais Ağayev bildirib.
Xatırladaq ki, bu saat 18:19-da Bakı-Zabrat yolunda 185 saylı avtobus ilə 2 minik maşını toqquşub.
Qəza zamanı minik avtomobilində olan 6 nəfər yaralanıb. Qəza zamanı yaralılardan 2 qadın, 2 kişi, ikisi isə uşaq olub. Onlar 3 saylı Sabunçu Xəstəxanasına yerləşdiriliblər.
Hadisə yerinə polis əməkdaşları cəlb olunub.
Ziya Səccad
Ölkə.az
