Arvad alt paltarında ərinə narkotik daşıdı

Ədliyyə Nazirliyinin Penitensiar xidmət əməkdaşları həbsxanada növbəti qanunsuzluğun qarşısını alıblar.

Ölkə.Az-ın Penitensiar Xidmətin İctimaiyyətlə əlaqələr şöbəsinə istinadən verdiyi məlumata görə, Ədliyyə Nazirliyinin Penitensiar xidmət əməkdaşları tərəfindən həyata keçirilmiş axtarış-baxış tədbirləri nəticəsində 12 saylı cəzaçəkmə müəssisəsində cəza çəkən məhkum Emin Çingiz oğlu Cəfərlinin yanına qısamüddətli görüşə gəlmiş həyat yoldaşı, Bakı şəhəri, 1-ci Alatava, ev 16-da qeydiyyatda olan vətəndaş Tamilla Maqsudovna Ağayevanın və dayısı qızı Zaqatala şəhəri, Təbriz küçəsi, ev 31A-da qeydiyyatda olan vətəndaş Elnarə Eldar qızı İsmayılovanın görüş otağında üzərinə və əşyalarına baxış keçirilib.

Bu zaman, vətəndaş E.E.İsmayılovanın alt paltarında gizlətdiyi kibrit qutusunun içərisindən xalis çəkisi 2,65 qram olan narkotik maddə - marixuana aşkar edilərək götürülüb.

Qeyd edək ki, Emin Çingiz oğlu Cəfərli Azərbaycan Respublikası Cinayət Məcəlləsinin 178.3.2-ci maddəsinə əsasən azadlıqdan məhrum edilib.

Fakt üzrə araşdırma aparılır.