Bakıda dönərxanada partlayışda xəsarət alanların adı məlum olub

Bakıda dönərxanada baş verən partlayışda xəsarət alan 5 nəfərin adı məlum olub.
 
3 saylı Şəhər Klinik Xəstəxanasından APA-ya verilən məlumata görə, partlayış nəticəsində 1963-cü il təvəllüdlü Rüstəmova Naridə Rüstəm qızı, 1994-cü il təvəllüdlü Əlifxanlı Şəhriyar Əlimusa oğlu, 1992-ci il təvəllüdlü Bayramov Rəfael Nəsrəddin oğlu, 1991-ci il təvəllüdlü Məmmədov Elşən Əlimusa oğlu və 1978-ci il təvəllüdlü Hüseynova Sima Ağalar qızı xəsarət alıblar.
 
Onların vəziyyətinin orta-ağır olduğu bildirilib.    

***

Bakıda dönərxanada baş verən partlayışda 5 nəfər xəsarət alıb.
 
Bu barədə APA-ya Səhiyyə Nazirliyinin mətbuat xidmətinin rəhbəri Liya Bayramova məlumat verib.
 
Onun sözlərinə görə, xəsarət alanlardan üçü kişi, ikisi qadındır.  
 
Xəsarət alanlar xəstəxanaya yerləşdiriliblər.

***

"Ölkə.Az" APA-ya istinadən xəbər verir ki, hadisə Zabrat qəsəbəsi, Babək küçəsində yerləşən dönərxanada qeydə alınıb. Partlayış nəticəsində yanğın olub.

Əraziyə Fövqəladə Hallar Nazirliyinin yanğınsöndürənləri cəlb edilib.

Hazırda yanğının qarşısının alınması istiqamətində tədbirlər davam etdirilir.

Ölkə.Az