Bakıda əlbəyaxa dava

Bir neçə saat öncə Bakının Yasamal rayonunda iki sürücü arasında əlbəyaxa dava baş verib.

Hadisə şahidlərindən verilen məlumata görə, dava Yasamal rayon telefon qovşağı ATS qarşısında baş verib.

Yol kəsişməsində bir-birinə yol verməyən sürücülərin sözləri boğazlarından keçməyib. "Mercedes" və "Chevrolet" markalı avtomobillərin sürücüləri arasında dava başlayıb.

İlk öncə "Chevrolet"in sürücüsü digər şəxsi vurub. "Mercedes"in sürücüsü isə özünü qoruya bilmədikdə avtomobildən kəsici-deşici alət götürərək ona hücum edən şəxsin üzərinə gedib, əlindəki alətlə "Chevrolet"in sürücüsünə bir neçə zərbə endirib. Ətrafdakı insanların müdaxiləsindən sonra dava sovuşub.

Yaralanan şəxs isə yanındakı adamın köməyi ilə avtomobilə minərək ərazidən uzaqlaşıb. (milli.az)

Ölkə.Az