Əxlaqsızlıqla məşğul olan cinsi azlıqlar Yasamaldan getmir

“Uşaqlar, qadınlar...”.

Yasamal rayonu, 3168-ci məhəllə, Moskva prospekti, 73A binasının sakinləri yenidən yaşadıqları ərazidə cinsi azlıqların əxlaqsızlıqla məşğul olmalarından şikayətçidirlər.

Ölkə.Az xəbər verir ki, sakinlər adından danışan Vahid Məmmədovun Bizimyol.info-ya bildirdiyinə görə, son zamanlar cinsi azlıqlar hər gecə onların yaşadığı ərazidə cəm olurlar: “Onlar Alatava qəsəbəsi istiqamətindən başlayaraq, metronun “20 yanvar” stansiyası istiqamətinə qədər toplaşaraq pulla cinsi əlaqə təklif edirlər.

Təkliflərini də ərazidə gerçəkləşdirirlər. Şəxsi avtomobili olan homoseksuallar isə “xidmət”lərini avtomobildə həyata keçirirlər. Deyim ki, onlara görə yaşadığımız əraziyə müştərilər cəm olurlar. Nəticədə yaşadığımız ərazidə sərbəst hərəkət edə bilmirik. Uşaqlar, qadınlar narahatlıq içindədirlər. İctimai əxlaqsızlıqdan gecələr yaşadığımız ərazidə hərəkət edə bilmirik”.

Daxili İşlər Nazirliyinin (DİN) mətbuat xidmətindən Bizim Yol-a bildirildi ki, Yasamal Rayon Polis İdarəsinin rəhbərliyi sakinlərin narahatlığını nəzərə alaraq ərazidə fəaliyyət göstərən polislərə müvafiq tapşırıqlarını verib: “Sakinlərin haqlı narazılıqları, narahatlıqları başadüşüləndir. Odur ki, müvafiq tədbir həyata keçiriləcək. Belə tədbirlər nəticəsində öz hərəkətləri və davranışları ilə sakinlərin narazılıqlarına səbəb olan onlarla şəxs barəsində inzibati tədbir görüləcək”.

Qeyd edək ki, bir müddət əvvəl də həmin ərazidə eyni problemlər yaşanırdı. Qəzetimizdə bu haqda yazılar dərc olunduqdan sonra polis ərazidə qayda-qanunu bərpa etmişdi. Cinsi azlıq nümayəndələrinin yenidən sözügedən ərazidə toplaşmağa başlaması problemin yenidən ictimailəşməsi zərurətini yaradır.

Ölkə.Az