Axtarışda olan iki nəfər tutuldu

Bakıda Cinayət Məcəlləsinin (CM) müxtəlif maddələri ilə axtarışda olan iki nəfər saxlanılıb

Bu barədə Bakı Şəhər Baş Polis İdarəsinin mətbuat xidmətinin yaydığı məlumatda bildirilib.

Belə ki, Binəqədi Rayon Polis İdarəsi 6-cı Polis Bölməsi əməkdaşlarının keçirdiyi əməliyyat-axtarış tədbirləri nəticəsində, CM-in 178-ci maddəsi ilə axtarışda olan Nicat Cəfərov tutulub.

Axtarışda olan digər şəxs isə Nərimanov Rayon Polis İdarəsi 17-ci Polis Bölməsi əməkdaşlarının keçirdiyi əməliyyat-axtarış tədbirləri nəticəsində yaxalanıb. Bu, CM-in 126-cı maddəsi ilə axtarışda olan Zaur Nəsibovdur.

Ölkə.Az