Azərbaycanda narkobaron həbs olundu

Ağcabədi polisi narkotik alverçilərinə qarşı daha bir uğurlu əməliyyat tədbiri həyata keçirib.

Ölkə.Az qafqazinfo-ya istinadən xəbər verir ki, rayon polisinin keçirdiyi axtarış əməliyyat tədbirləri nəticəsində Hindağ qəsəbə sakini Allahverdiyev Müşfiq Yaşasın oğlunun üzərindən 0,4 qram narkotik vasitə olan heroin və baxış keçirilən zaman evinin zirzəmisindən 474 qram qurudulmuş marixuana aşkar edilərək götürülüb.

Həmçinin həmin kənd sakini olan İsmayılov İlqar Qafar oğlundan 0,3 qram heroin aşkar edilərək götürülüb. Hər iki şəxs polis bölməsinə aparılıb və barələrində istintaq bölməsinə araşdırma aparılıb.

Qeyd edək ki, Müşfiq Allahverdiyev Ağcabədi rayonunda məşhur narkobaron kimi ad çıxarıb.

Ölkə.Az