Azərbaycan sərhədində atışma: yaralı var

Faktla bağlı araşdırma aparılır.

İran-Azərbaycan sərhədində atışma olub.

Məlumata görə, hadisə Cəlilabad rayonunun Bayaxanlı kəndi yaxınlığında baş verib. İrandan qaçaq yolla Azərbaycana narkotik maddə keçirən şəxslərlə sərhədçilər arasında baş verən atışma zamanı İran İslam Respublikası vətəndaşı yaralansa da, hadisə yerindən qaça bilib.

Lakin əməliyyat zamanı bir nəfər, Cəlilabad rayon Məlikqasımlı kənd sakini həbs olunub. Məlumata görə, sərhəd pozucuları İrandan Azərbaycana qanunsuz olaraq külli miqdarda narkotik maddə keçirməyə cəhd göstəriblər.

Faktla bağlı araşdırma aparılır./Anspress/

Ölkə.Az