Faciəvi şəkildə ölən ikinci qardaşın da meyiti tapıldı

Bir neçə gün əvvəl Mingəçevridə kanalda batan iki qardaşın axtarışları başa çatıb.

11 Noyabr 2014-cü il tarixində Mingəçevir şəhərində Yuxarı Qarabağ kanalında batan 2003-cü il təvəllüdlü Novruzov Toğrul Hikmət oğlunun meyiti tapılıb. 11 yaşlı oğlanın cəsədi Fövqəladə Hallar Nazirliyinin dalğıc-xilasediciləri tərəfindən batdığı yerdən 16 km aralıdan tapılaraq sudan çıxarılıb və aidiyyəti üzrə təhvil verilib. Əməliyyat saat 12:37-də başa çatıb.

Qeyd edək ki, kanalda batan digər qardaşın meyiti hadisədən 4 gün sonra tapılmışdı.

Ölkə.Az