Bakıda polis maşını "Porsche" ilə toqquşub

"Ölkə.Az" xəbər verir ki, Səbail Rayon Polis İdarəsindən APA-ya verilən məlumata görə, faktla bağlı Cinayət Məcəlləsinin 263.2-ci (yol hərəkəti qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb, istintaq hərəkətləri davam etdirilir.

***

Bakıda polis avtomobili minik maşını ilə toqquşub.

"Ölkə.Az"ın APA-ya istinadən məlumatına görə, hadisə paytaxtın Səbail rayonu, Bayıl qəsəbəsində, "SOCAR" yanacaqdoldurma məntəqəsinin qarşısında qeydə alınıb. Səbail rayon Polis İdarəsinə məxsus “Fiat Doblo” markalı avtomobil “Porsche” markalı maşınla toqquşub.
 
Səbail Rayon Polis İdarəsindən APA-ya verilən məlumata görə, qəza nəticəsində bir polis əməkdaşı ölüb, bir neçəsi xəsarət alıb.
 
Faktla bağlı araşdırma aparılır. 
 
Qeyd edək ki, qezanın görüntülərini Orxan Kərimov adlı facebook istifadəçisi öz səhifəsində paylaşıb.