Bakıda iki sərnişin avtobusu toqquşdu

Bakı şəhər Təcili və Təxirəsalınmaz Tibbi Yardım Stansiyasından "Ölkə.Az"a verilən məlumata görə, Sabunçu rayonu ərazisində 198 və 163 nömrəli sərnişin avtobuslarının toqquşması nəticəsində xəsarət alan sərnişinlər 20 yaşlı Eliya Axundova və 26 yaşlı Röyal Nəbiyevdir. Yaralılar 3 saylı Şəhər Klinik Xəstəxanasına yerləşdiriliblər. Həkimlər onların vəziyyətinin stabil olduğunu bildirir.

Ziya Səccad
Ölkə.Az

***

"Ölkə.Az"ın APA-ya istinadən məlumatına görə, Zabrat yolunda 198 saylı xətt üzrə hərəkət edən marşrut avtobusu 163 saylı xətt üzrə hərəkət edən marşrut avtobusu ilə toqquşub. Nəticədə avtobusda olan iki nəfər xəsarət alıb. Onlar 3 saylı şəhər klinik xəstəxanasına yerləşdiriliblər.
 
Xəstəxanadan APA-ya verilən məlumata görə, həmin şəxslərə ilkin tibbi yardım göstərildikdən sonra evə buraxılıblar.
 
Bakı Nəqliyyat Agentliyinin mətbuat xidmətinin rəhbəri Mais Ağayevin APA-ya bildirib ki, hadisə ilə bağlı agentliyə məlumat daxil olan kimi dərhal araşdırmalara başlanıb: “Hər iki avtobusun qəza vaxtı sürət həddini müəyyənləşdirməkdən ötrü GPS məlumatlarına baxılacaq.  Hadisə hansı marşrut xəttinin günahı üzündən baş veribsə, onunla bağlı tədbir görüləcək”.