Mingəçevirdə dəhşət: Kişi arvadını və iki uşağını öldürdü

"Ölkə.Az" Report-a istinadən xəbər verir ki, Lazım Ağa oğlu Hüseynov əvvəllər adam öldürmə və narkotik vasitələrin qanunsuz dövriyyəsi ilə məşğul olduğu üçün iki dəfə həbs edilib. 

O, ümumilikdə 17 il məhkumluq həyatı yaşayıb.

L.Hüseynov arvadının və iki azyaşlı uşaqlarının başını kəsərək bədənindən ayırıb.

Hazırda dindirilən L.Hüseynov istintaqa ilkin ifadəsində hadisəni qısqanclıq zəminində törətdiyini bildirib.

Faktla bağlı Mingəçevir Şəhər Prokurorluğunda Cinayət Məcəlləsinin 120.2.4 (Xüsusi amansızlıqla və ya ümumi təhlükəli üsulla adam öldürmə), 120.2.7 (İki və ya daha çox şəxsi öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) maddələri ilə cinayət işi başlanılıb. 

***

Mingəçevirdə kişi arvadını və iki övladını qətlə yetirib.

"Ölkə.Az" Report-a istinadən xəbər verir ki, hadisə şəhərin ərazisində baş verib.

Belə ki, şəhər sakini 1960-cı il təvəllüdlü Hüseynov Nazim Ağa oğlu həyat yoldaşı və iki övladını öldürərək qətlə yetirib.

Hadisənin ailə-münaqişəsi zəminində baş verdiyi bildirilir.

Hadisə yerinə Mingəçevir Şəhər Polis Şöbəsinin və Mingəçevir Şəhər Prokurorluğunun əməkdaşları gəlib.