Bakıda avtomobillərin qənimi tutuldu

Paytaxt sakinlərinin avtomobillərindən silsilə oğurluq etmiş şəxs tutulub.

Ölkə.Az Daxili İşlər Nazirliyinin mətbuat xidmətinə verilən məlumata görə, əməliyyat Nəsimi rayon Polis İdarəsi 19-cu polis bölməsi əməkdaşları tərəfindən keçirilib.

Həyata keçirilən əməliyyat-axtarış tədbirləri nəticəsində paytaxt sakini Kamal Mirəliyev tutulub.

Araşdırmalar zamanı məlum olub ki, cari ilin noyabr ayı ərzində Bakı şəhər sakinləri R.Teymurova, İ.Qasımovaya, K.Bağırova, N.Qəşəmliyə məxsus avtomobillərdən pul və məişət əşyaları oğurlayıb. Bundan başqa, A.Nağıyevə, C.Məmmədova, İ.Sultanova, A.Qasımova və Ə.Cavadova məxsus avtomobillərdən oğurluğa cəhd göstərib.

Habelə T.Nağıyevə, E.Əbilova, T.Kovalyovaya, Z.Sultanovaya, A.Əliyevaya, E.Məmmədova və E.Səfərzadəyə məxsus avtomobillərin şüşələrini sındıraraq əmlaklarını qəsdən məhv edib.

Faktla bağlı araşdırma aparılır.

Ölkə.Az