Narkotik tərkibli bitki əkib-becərən şəxs saxlanılıb
Bağında narkotik tərkibli bitki əkən Tovuz sakini saxlanılıb.
Ölkə.Az APA-ya istinadən xəbər verir ki, Tovuz rayon Polis Şöbəsi əməkdaşlarının həyata keçirdikləri əməliyyat tədbirləri nəticəsində çətənə kolları əkib becərən Qovlar şəhər sakini, 1959-cu il təvəllüdlü Kərim Kərimov saxlanılıb.
Həyətyanı sahəyə baxış zamanı oradan aqrotexniki qaydada becərilən 10-a yaxın narkotik tərkibli çətənə kolu aşkarlanaraq məhv edilib. K. Kərimov çətənə kollarını öz istifadəsi üçün əkib becərdiyini deyib.
Faktla bağlı Tovuz rayon Polis Şöbəsində araşdırma aparılır.
