Qətər böhranında geri addım
Beynəlxalq Mülki Aviasiya Təşkilatı yeni açıqlama verib.
"Ölkə.Az" xəbər verir ki, Bəhreyn və BƏƏ hava sahələrinin bir qismini Qətər Hava Yollarına açmağı qəbul ediblər.
Təşkilatın mətbuat katibi Entoni Filbin açıqlamasında bildirib ki, Bəhreyn və BƏƏ Qətər Hava Yollarına bəzi hava dəhlizlərini açıblar. Bunlar arasında müvəqqəti və fövqəladə vəziyyət üçün nəzərdə tutulmuş dəhlizlər də var.
Təşkilat 5 iyun tarixindən bu yana Qətər Hava Yollarına dəhliz əldə etmək üçün Orta Şərqdəki müxtəlif ölkələrlə əməkdaşlıq edir. Qətərin şikayətindən sonra BMAT Şurası ötən ayın sonunda Monrealda təcili iclas çağırmışdı. Təşkilat ölkələri Çikaqo müqaviləsinə rayət etməyə və mülki aviasiyanın davam etməsi üçün əməkdaşlığa davam etməyə çağırmışdı.
Hikmət Həsənov
Ölkə.Az
