İki avtomobil toqquşub: xəsarət alanlar var
Daşkəsəndə iki avtomobil toqquşub.
Ölkə.Az report.az-a istinadən bildirir ki, hadisə Gəncə-Daşkəsən yolunun Bayan kəndindən keçən hissəsində baş verib.
Belə ki, taksi kimi fəaliyyət göstərən "VAZ-2107" markalı avtomobil qarşısına çıxan "VAZ-21015" markalı avtomobilə çırpılıb. Nəticədə taksinin sürücüsü və bir sərnişini, həmçinin digər avtomobildəki sərnişin xəsarət alıb.
Yaralılar xəstəxanaya yerləşdirilib. Onların vəziyyətlərinin qənaətbəxş olduğu bildirilir.
Faktla bağlı araşdırma aparılır.
