Sumqayıtda yataqxanada yanğın
Sumqayıtda yataqxanada yanğın baş verib.
Fövqəladə Hallar Nazirliyindən "Ölkə.Az"a bildiriblər ki, yanğın yataqxananın beşmərtəbəli binasında qeydə alınıb. Hadisə nəticəsində binanın beşinci mərtəbəsində ümumi sahəsi 26 kvadratmetr olan birotaqlı mənzilin eyvanında bir soyuducu və taxtadan quraşdırılan iki rəf yanıb.
Yanğınla əlaqədar mənzillərdən 30 sakin təhlükəsiz əraziyə təxliyə olunub. Mənzilin qalan hissəsi yanğından mühafizə edilib, alov söndürülüb. Hadisə ilə bağlı müvafiq qurumlar tərəfindən araşdırma aparılır.
