İki avtomobil toqquşub, 4 nəfər xəsarət alıb
Qazaxda 4 nəfərin xəsarət alması ilə nəticələnən yol qəzası baş verib.
Ölkə.Az APA-ya istinadən xəbər verir ki, hadisə rayonun Ürkməzli kəndində qeydə alınıb. "VAZ 2107" və "VAZ 21099" markalı iki avtomobilin toqquşması nəticəsində 4 nəfər müxtəlif bədən xəsarətləri alaraq Qazax Müalicə Diaqnostika Mərkəzinə yerləşdirilib. Onlara tibbi yardım göstərilib. Vəziyyətlərinin normal olduğu bildirilir.
Faktla bağlı Qazax rayon Polis Şöbəsində araşdırma aparılır.
