Havanın maksimal temperaturu iqlim normasından dörd dərəcə yuxarı olub - FAKTİKİ HAVA

Ölkə ərazisində martın 30-u saat 10:00-a olan məlumata əsasən ölkə ərazisində hava şəraiti sabit olub, əsasən yağmursuz keçib.

Bu barədə Ölkə.Az-a Milli Hidrometeorologiya Xidmətindən məlumat verilib.

Bildirilib ki, qar örtüyü tədricən əriyib, Şahdağda 14 sm olub.

Sumqayıt, İmişli, Cəfərxan, Şabran, Astarada duman müşahidə olunub. Görünüş 200-500 metrədək məhdudlaşıb.

Havanın maksimal temperaturu iqlim normasından dörd dərəcə yuxarı olub. Bakıda və Abşeron yarımadasında 19 dərəcəyədək isti, Naxçıvan Muxtar Respublikasında 16-21 dərəcə isti, Aran rayonlarında 19-22 dərəcə isti, dağlıq rayonlarda 15 dərəcəyədək isti, yüksək dağlıq ərazilərdə altı dərəcəyədək isti olub.