Azərbaycan ordusunun bu savaşı dünyada tədris olunacaq - Polkovnik
“Azərbaycan Silahlı Qüvvələri növbəti 103-cü ildönümü bayramı hərbçilər üçün tamam başqa bir bayramdır. Bu bayramı hərbçilərimiz tamam fərqli bir şəraitdə, yüksək qələbə əhval-ruhiyyəsində qarşılayır. İndiyədək, 26 iyunu bayram kimi qəbul etsək də, onu alnıaçıq şəraitdə keçirə bilmirdik. İçimizdə bir narahatlıq, nigaranlıq var idi. Bu da torpaqlaırmızı işğal altında olması idi. Amma ordumuzun yaranmasının 103-cü ildönümü günü hərbçilərimiz üçün əsl bayramdır”.
Bunu “Ölkə.Az”a açıqlamasında ehtiyatda olan polkovnik Şair Ramaldanov deyib.
Onun sözlərinə görə, bu gün ordu Ali Baş Komandan cənab İlham Əliyevin əmrini layiqincə yerinə yetirərək Azərbaycanı işğalçılardan azad edərək, ərazi bütövlüyünü təmin edib.
“Azərbaycan ordusu illərdir gözlədiyi arzusu reallaşdı. Qarşısında duran əsas məqsədi uğurla icra edib, qəhrəmanlıq dastanı yazdı. Azərbaycan ordusunun bu qəhrəmanlıq dastanı dünya hərb tarixinə düşdü. Bu qələbə ordu ilə yanaşı, Silahlı Qüvvələrin Ali Baş Komandanı cənab İlham Əliyevin yürütdüyü müdrik siyasətin, sərkərdəlik qabliyyəti, orduya diqqət qayğısı, ordunun müasir dövrün tələblərinə uyğun olaraq daim döyüş hazırlıq səviyyəsində olması istiqamətində yürütdüyü konkret hədəflərə xidmət edən siyasətinin və islahatların məntiqi nəticəsidir. Məhz Ali Baş Komandan yürütdüyü məqsədyönlü siyasət nəticəsində Azərbaycan ordusu müasir hərb elminin incəliklərinə yiyələnərək, peşəkarlıq səviyyəsini artırdı. Azərbaycan ordusu dünyanın həm ən güclü ordularından, həm də ən müasir tələblərə cavab verən ordularından biri oldu. Bu gün Azərbaycan ordusu ən müasir hərbi texnika, avadanlıqla təmin olunmaqla yanaşı, müasir silahlarla davaranmaq üçün bilik bacarıqlaırnı daim inkişaf etdiriblər. Cənab ali Baş Komandanın komandanlığı altında ordumuz istənilən an qarşısında duran hədəflərə nail olmaq üçün hər zaman döyüş hazırlıq vəziyyətinə gətirildi. Bunun üçün davamlı olaraq irimiqyaslı simulyasiya xatrakterli təlimlərə cəlb olundu. Bu təlimlərdə əldə edilən təcrübə-bilik və peşəkarlıq səviyyəsi öz sözünü 44 günlük müharibə zamanı dedi”, - Şair Ramaldanov deyib.
O əlavə edib ki, cənab Ali Baş Komandanın komandanlığı altında Azərbaycan ordusunun müasir dövrün təlbələrinə cavab verən yüksək hazırlıq qabliyyətinə malik, peşəkar və qarşısında duran hədəfləri icra etməyə hazır bir ordu səviyyəsinə çatdırıldı: “Cənab Ali Baş Komandan 2016-ci ilin aprel hadisələri zamanı bəyan etmişdi ki, Azərbaycan ordusu Azərbaycan torpaqlarını qısa zaman ərzində bərpa etməyə hazırdır. Sadəcə, o zaman bu niyyəti realalşdırmaq üçün beynəlxalq siyasi mühit uyğun deyildi. Məhz cənab Prezidentin yürütdüyü müdrik və yorulmaz diplomatik siyasəti nəticəsində arzuladığımız şərait yaradıldı. 2020-ci ili iyulunda məlum Tovuz hadisələrindən sonra cənab Ali Baş Komandanın yürütdüyü hücum diplomatiyası nəticəsində istənilən şərait yarandı… Və Ali Baş Komandan uzun illər boyunca Azərbaycan ordusunun səbirsizliklə gözlədiyi - torpaqların işğaldan azad olunması əmrini verdi. Ali Baş Komandan cənab İlham Əliyevin bəyan etdiyi kimi, Azərbaycan ordusu 44 gün ərzində düşməni ağır məğlubiyyətə düçar edərək, ağ bayraq qaldırıb, kapitulyasiya bəyanatını imzalamağa vadar etdi. Azərbaycan ordusu 44 günlük müharibəsi zamanı özünü Babəkin, Şah İsmayılın, Həzi Aslanov kimi qəhrəmanların layiqli davamçısı olduğunu bir daha sübut etdi. Bu gün Azərbaycan ordusunun qısamüddətli müharibədə əldə etdiyi qəhrəmanlıq dastanı artıq dünya hərb akademiyaları, hərb elmi mərkəzələri tədəfindən nəzərdə keçirilib, təhlil edilir. Azərbaycan ordusunun bu savaşının dünya hərb tarxində özünəməxusus yeri olacaq və hər zaman hərb elmində praktik bir nümunəvi hərbi əməliyyat kimi tədris olunacaq”.
Ş. Ramaldanov onu da bildirib ki, bundan sonra Azərbaycan ordusunun əsas hədəfi əldə edilən qələbəni möhkəmləndirib, inkişaf etdirməkdir: “Savaşda qələbə çalmaq nə qədər çətindirsə, onu qoruyub, möhkəmləndirmək, inkişaf etdirmək, ölkənin müdafiə qabliyyətini daha etibarlı şəkildə təmin etmək ondan da çətindir. Odur ki, Azərbaycan ordusu bundan sonra da Ali Baş Komandanın komandanlığı altında fəaliyyətini davam etdirib, müasir dövrün təlbələrinə uyğun olaraq peşəkarlıq səviyyəsini artıracaq. Bundan sonra da uğurlar əldə etmək üçün hər zaman döyüş hazırlığı vəziyyətində olacaq. Bunun üçün yeni imkanlar yaranıb və Azərbaycan ordusu bu imkanlardan faydalanaraq qarşısında duran vəzifələrin öhdəsindən layiqincə gəlmək üçün peşəkarlıq səviyyəsini artıracaq. Bir daha həm bayram, həm də qələbə münasibəti ilə cənab Ali Baş Komandan başda olmaqla bütün hərbçiləri həm təbrik edirəm və uğurlar arzulayıram”.
Mürtəza
Ölkə.Az
