Azərbaycan və Türkiyə generalları təlimləri izləyib - FOTOLAR

Konyada Anadolu Kartalı  Təlim Mərkəzində keçirilən “TURAZ Şahini 2021” təlimlərini Hulusi Akarla Zakir Həsənov izləyib. 

Təlimlərin izləmə mərasiminə Azərbaycan Silahlı Qüvvələrinin Baş Qərargah rəisi general-leytenant Kərim Vəliyev, Azərbaycan Hava-Hücumundan Müdafiə Qüvvələrinin komandanı  general Ramiz Talıbov da qatılıb.

“Ölkə.Az” “haber7”yə istinaədn xəbər verir ki,  təlim mərkəzində Türkiyə və Azərbaycan bayraqları dalğalandıran iki pilot “Bir millət iki dövlət” şüarını səsləndirib. 

Tədbir zamanı  nazirlər Hulusi Akarla  Zakir Həsənov  komanda uşuş məntəqəsinə keçiblər. Oradan nazir Akar pilotları simsiz rabitə ilə salamlayıb: “Bizim üçün hər zaman həyacan və qürur mənbəyi oldunuz”.

Nazirlər və komandanlar həmçinin “Kartal Parkı”nda olublar.  Burada “TURAZ Şahini 2021”ə qatılan F-16, Miq-29 və Su-25  təyyarələrinin ekipajları ilə birlikdə foto çəkdiriblər.

Mürtəza
Ölkə.Az