Azərbaycana qarşı bütün təhdidləri Türkiyəyə yönəlmiş kimi qəbul edirik - H.Akar - VİDEO
“Bölgənin həssas bir dövr yaşadığından hadisələri yaxından izləyirik. Türkiyənin bütün qonşularının ərazi bütövlüyünə və suverenlik hüquqlarına hörmət edir”.
“Ölkə.Az” DHA-ya istinadən xəbər verir ki, bu fikri Türkiyənin Milli Müdafiə naziri Hülusi Akar Türkiyə və Azərbaycanın birgə təşkil etdiyi “TURAZ Şahini2021” hərbi təlimləri zamanı deyib.
Nazir Akar əlavə edib ki, heç kimin sərhədlərini heç bir şəkildə pozmaq fikrimiz yoxdur: “Amma digər tərəfdən də quruda, dənizdə və havadan heş bir bir şəkildə nə özümüzün, nə də dostlarımızın və qardaşlarımızın hüquqlarını və qanunlarını tapdalayarıq”.
Türkiyə Cümhuriyyətinin Prezidenti cənab Rəcəb Tayyib Ərdoğanın rəhbərliyi altında, artıq beynəlxalq aləmdə bir ciddi bir mövqeyə sahib olduqlarını qeyd edən nazir Akar əlavə edib ki, Türkiyənin bu çərçivədə təsir dairəsinin və maraq dairəsinin genişləndiyini ifadə etdi.
Türk Silahlı Qüvvələrinin Cümhuriyyət tarixinin ən işlək dövrünü yaşadığına işarə edən nazir Akar deyib ki, bütün qüvvələrimiz çox çalışıb lazım gəldikdə həyatlarını ortaya qoydular: “Mübarizəmiz bu şəkildə davam edir. Tək məqsədimiz ölkəmizin, dostlarımızın və qardaşlarımızın təhlükəsizliyini təmin etmək üçün səy göstəririk. Bunun xaricində hər kəs gizli bir gündəmimizin olmadığını bilməlidir”.
Nazir onu da bildirib ki, bu uğurlu məşqlər bizi izləyən düşmənləri də qorxudur, dostlarımızı və qardaşlarımızı sevindirir.
Türkiyə ilə Azərbaycan münasibətlərinin yaxın qardaşlıq səviyyəsində olduğunu xatırladan Akar deyib ki, Azərbaycana qarşı edilən təhdidləri Türkiyəyə qarşı edildiyini qəbul edirik.
30 ildə işğal altında olan torpaqlarını "Bir Vətən Əməliyyat" ilə 44 gün kimi qısa müddətdə xilas edən Azərbaycan Silahlı Qüvvələrini bir daha təbrik edən nazir Akar bildirib ki, hazırda TSK və rus əsgərləri ortaq mərkəzdə birlikdə vəziyyətə nəzarət edirlər.
“Vətənimizin xeyrinə birlikdə səylər göstəririk. Əlavə olaraq TSK olaraq partlayıcı və minaları təmizləmək üçün əlimizdən gələn hər cür dəstəyi veririk və bunu etməyə davam edirik”- nazir vurğulayıb.
Mürtəza
Ölkə.Az