Goranboyda hərbçimiz qəzada öldü - FOTO/YENİLƏNİB
Avqustun 26-sı günorta saatlarında Goranboy rayonu ərazisində baş vermiş avtoqəza nəticəsində Azərbaycan Ordusunun hərbi qulluqçusu Ərəblinski Vahid Mahir oğlu həlak olub.
Ölkə.az bildirir ki, məlumatı Müdafiə Nazirliyi təsdiq edib.
Qeyd olunub ki, faktla bağlı araşdırma aparılır.
Müdafiə Nazirliyinin rəhbərliyi hərbi qulluqçumuzun yaxınlarına dərin hüznlə başsağlığı verir və səbir diləyir.
***
Azərbaycan Ordusunun hərbi qulluqçusu Vahid Ərəblinski qəza nəticəsində həlak olub.
"Ölkə.az" “Qafqazinfo”ya istinadla xəbər verir ki, hadisə Goranboy rayonu ərazisində baş verib.
Qeyd edək ki, qəzada həlak olan müddətdən artıq xidmət edən (MAXE) hərbi qulluqçu Zaqatalanın Aşağı Tala kəndindəndir, o, general Balakişi Ərəblinskinin nəticəsidir, subay idi.
