Müdafiə naziri: "Üçtərəfli görüşlər regionda sülhə töhfə verir"
"Üçtərəfli görüşlər ənənəyə çevrilib, belə görüşlər regionda sülhə töhfə verilməsi baxımından əhəmiyyətlidir".
"Report" xəbər verir ki, bunu Azərbaycan müdafiə naziri general-polkovnik Zakir Həsənov Bakıda Türkiyənin milli müdafiə naziri Yaşar Gülər və Gürcüstanın müdafiə naziri Cuanşer Burçuladze ilə görüşündə deyib.
"Dövlət başçılarının ənənəvi görüşlərini nəzərə alaraq, müdafiə sahəsində əməkdaşlığın inkişaf etdirilməsi də bizim vəzifəmizdir. Hər birinizi salamlayıram. Bu görüşün bu il Bakıda keçirilməsindən şadam. Sizə təşəkkür edirəm", - nazir qeyd edib.