Sülhməramlılar bu tarixədək Qarabağı tam tərk edəcək

Rusiya hərbi kontingentinin demək olar ki, hamısı Qarabağı tərk edib, qalanları isə mayın sonunda bölgəni tərk edəcək. 

Ölkə.Az xəbər verir ki, bu barədə “Reuters” Azərbaycan Müdafiə Nazirliyindəki mənbəyə istinadən məlumat yayıb.

Xatırladaq ki, noyabr 2020-ci il tarixli üçtərəfli bəyanata əsasən, Azərbaycan və Ermənistan arasında müharibə başa çatdıqdan sonra Rusiya Federasiyasının 2000 nəfərlik hərbi kontingenti Qarabağda yerləşdirilib və bu müddət 5 il (2025-ci ilə qədər) müəyyən edilmişdi.

Kreml və Azərbaycan tərəfi Rusiya hərbi kontingentinin Qarabağdan çıxarılmasını təsdiqləyib.

Bundan əlavə, 26 apreldə Ağdam rayonunda Türkiyə-Rusiya birgə monitorinq mərkəzi fəaliyyətinin dayandırılması mərasimi baş tutub.